Firefox Developer Edition

Firefox DevTools tani i hijezon në gri pohimet CSS që s’kanë ndonjë efekt në faqe. Kur të kaloni kursorin përsipër ikonës për të dhëna, do të shihni një mesazh të dobishëm rreth se pse nuk aplikohet CSS-ja, përfshi një ndihmëz se si të zgjidhet problemi.

Firefox DevTools e reja që Firefox-i ofron për zhvilluesit janë të fuqishme, të lakueshme dhe, më e mira e të mirave, të përpunueshme. Këtu përfshihet një diagnostikues JavaScript nga më të mirët, që mund të trajtojë shumë shfletues njëherësh dhe që është ndërtuar me React dhe Redux.

Firefox-i është shfletuesi i vetëm me mjete të krijuara posaçërisht për hartim dhe krijim me Rrjetë CSS. Këto mjete ju lejojnë të vizualizoni rrjetën, të shfaqni emra fushash, të parashihni transformime në rrjetë dhe shumë të tjera.

Paneli i ri i shkronjave te Firefox DevTools në Firefox u jep zhvilluesve hyrje të shpejtë në krejt të dhënat që ata kanë nevojë mbi shkronjat e përdorura në një element. Në të përfshihen edhe të dhëna të dobishme të tilla si burimi, madhësia, stili i shkronjave, etj .