Firefox Developer Edition

Firefox DevTools ახლა უკვე ნაცრისფრად აჩვენებს იმ CSS-განაცხადებს, რომლებიც გავლენას არ ახდენს ვებგვერდზე. ხატულაზე მაჩვენებლის გადატარებისას იხილავთ სასარგებლო ინფორმაციას იმის შესახებ, თუ რატომ არ აისახება CSS, აგრეთვე მითითებას, თუ როგორ შეიძლება ამის გამოსწორება.

ახალი Firefox DevTools არის მძლავრი, მოქნილი და რაც მთავარია, მარტივადაა შესაძლებელი მისი მორგება საკუთარ საჭიროებებზე. ამასთანავე, გააჩნია უმაღლესი დონის JavaScript გამმართველი, რომელიც ნებისმიერი ბრაუზერისთვისაა გამოსადეგი და ჩაშენებული აქვს React/Redux ენების მხარდაჭერა.

Firefox ერთადერთი ბრაუზერია, რომელსაც გააჩნია საგანგებოდ ვებპროექტების შემუშავებისთვის შექმნილი ხელსაწყოები, მათ შორის CSS-ბადე. ამ ხელსაწყოებით შეძლებთ გვერდის შიგთავსის განლაგების თვალსაჩინოდ წარმოდგენას ბადისებურად, თითოეული დანაყოფისთვის სახელის მინიჭებას, გარდაქმნების შედეგების წინასწარ შეთვალიერებას ბადეზე და ა. შ.

შრიფტების ახალი არე, რომლითაც Firefox DevTools საშუალებას აძლევს შემმუშავებლებს, სწრაფი წვდომა ჰქონდეთ გამოყენებული შრიფტების ყველა მონაცემთან. ამასთანავე, შეიცავს ისეთ გამოსადეგ ინფორმაციას, როგორიცაა შრიფტის წყარო, სისქე, იერსახე და სხვა.