Modifica gratis documentos PDF con le editor de PDF de Firefox

Si tu debe adder substantia a un documento PDF, ora tu pote facer lo online con Firefox. Aperi le PDF in Firefox e clicca le button Texto o Designo in le angulo superior dextre pro modificar tu documento. Discarga le file pro salvar lo con tu modificationes.

Plena formularios online sin imprimer o scander

Tote nos ha affrontate isto: tu debe plenar un formulario PDF, ma illo non es modificabile. In le passato, tu sol option era imprimer lo sur un arbore morte, adder cosas con tinta, e pois re-scander lo in tu computator.

Non plus! Ora, toto lo que tu debe facer es rediger le PDF online con Firefox, salvar lo, e inviar lo per email ab tu computator.

Adder texto

Aperi le PDF in Firefox. Clicca le button Texto pro eliger color e dimension del texto ante seliger ubi sur le documento tu vole adder lo. Il es facile!

Adder designos

Aperi le file PDF in Firefox. Clicca le icone Designar pro eliger color, spissor e opacitate ante poter designar sur le documento.

Adde imagine con altere texto

Aperi le file PDF in Firefox. Clicca le icone del imagine, que pois te sollicitara a cargar un imagine. Adjusta dimension e placiamento de tu imagine como necessari. Clicca le button “+Alt text” sur le imagine pro adder un description de photo e render tu file PDF plus accessibile.

Crear un firma

Aperi le file PDF in Firefox. Clicca le icone firma e pois clicca “Adder nove firma”. Elige inter Typo, Designo o Imagine, e clicca le button Adder pro inserer lo. Tu alsi pote salvar tu firmas e usar los de novo successivemente.

Crea un evidentiation

Aperi le file PDF in Firefox. Elige le texto que tu vole evidentiar, pois clicca le icone evidentiar que appare infra tu selection, o clicca dextre pro trovar le option evidentiar in le menu contextual. Clicca le icone in alto a dextera pro evidentiar a mano libere le sectiones del file PDF.

Adder commentos

Aperi le file PDF in Firefox. Crea un evidentia, pois clicca le icone Commentar que appare infra tu selection, typa tu commento, e clicca Adder pro salvar. Plure commentos in un PDF? Clicca le icone Commentar in alto a dextra pro aperir le barra lateral e salta al le sol que te besonia.