Via-breve a internet con Firefox pro Android
Vide tote tu schedas aperte, recente recercas e sitos favorite in un sol loco con le navigator Firefox pro Android.
Obtene Firefox pro Android
Scanna le codice QR pro comenciar
Rapide e private
Firefox pro Android protege sin effortio tu vita private e carga paginas rapido como le fulmine. Le Protection Antitraciamento Reinfortiate impedi automaticamente que le traciatores in linea te perseque circa le web e relenta tu paginas.
Un tocco pro le modo private
Accede al modo de navigation private con solo un tocco. E quando tu claude le modo de navigation private, tu historia de navigation se rade automaticamente de tu apparato.
Cerca de tu maniera
Ha un grande telephono e pollices de grandor normal? Nulle problema. Firefox pro Android te permitte displaciar le barra de recerca de alto a basso, lo que facilita su uso con un mano. In ultra, tu pote eliger tu proprie motor de recerca in le navigator e fixar Firefox como tu navigator predefinite si tu vole.
Economisa energia con le modo obscur
Commuta al modo obscur a qualcunque momento pro reducer le fatiga visual e prolongar le energia de tu batteria.
Domina tu pagina initial
Accede plus velocemente al partes de internet que tu cura. Elige vider tote tu schedas aperte, recente recercas, marcapaginas e sitos favorite in un sol loco.
Augmenta Firefox con Additivos
Additivos es utensiles micre ma potente que tu pote adder a tu navigator, p.ex. pro meliorar tu configuration predefinite de confidentialitate o pro personalisar tu experientia.
Reprende ubi tu restava
Passa de tu telephono a tu computator portabile, tabletta e vice versa sin perder tempore. Con Firefox sur tote tu apparatos, tu pote portar tu favorites, contrasignos, credentiales salvate e historia de navigation con te, non importa ubi tu va.
Cerca a partir del schermo initial de tu telephono
Non es necessari aperir le application. Adde le widget de recerca de Firefox e cerca in le web directemente ab le schermo initial de tu apparato.
Fixar videos sur tu schermo
Distacha videos de lor sitos web o reproductores e fixa los in le parte superior del schermo de tu telephono pro spectar durante que tu naviga per le web e face altere cosas. Mantene te intertenite faciente plure cosas insimul.
A proposito de Mozilla
Mozilla existe pro disveloppar Internet como un ressource public accessibile pro totes perque nos crede que un Internet aperte e libere es melior que un Internet clause e controlate. Nos construe productos como Firefox pro promover election, transparentia e controlo.
