Wobdźěłajće PDF-dataje darmotnje z PDF-editorom Firefox

Jeli dyrbiće PDF-dokumentej maćiznu přidać, móžeće to nětko z Firefox online činić. Wočińće PDF w Firefox a klikńće na tłóčatko Tekst abo Rysować w róžku horjeka naprawo, zo byšće změny na swojim dokumenće přewjedł. Sćehńće dataju, zo byšće ju ze swojimi změnami składował.

Wupjelńće formulary online, bjeztoho zo byšće je ćišćał a skenował

My wšitcy smy njenadźicy na to storčili: Dyrbiće formular wupjelnić, kotryž je PDF, ale njeda so wobdźěłować. W zańdźenosći běše jenička móžnosć, jón na kus papjery ćišćeć, wěcy z tintu přidać a potom jón wróćo do wašeho ličaka skenować.

Ženje wjac! Wšitko, štož dyrbiće nětko činić, je, PDF z Firefox online wobdźěłać, jón składować a jón wot wašeho ličaka z e-mejlu słać.

Tekst přidać

Wočińće PDF w Firefox. Klikńće na tłóčatko Tekst, zo byšće barbu a tekstowu wulkosć wubrał, prjedy hač wuběraće, hdźe na dokumenće chceće tekst přidać. Je to tak lochko!

Rysowanki přidać

Wočińće dataju PDF w Firefox. Klikńće na symbol Rysować, zo byšće barbu, tołstosć a opacitu wubrał, prjedy hač móžeće potom w dokumenće rysować.

Wobraz z alternatiwnym tekstom přidać

Wočińće PDF w Firefox. Klikńće na symbol Wobraz přidać a wobdźěłać, kotryž was potom namołwja, wobraz nahrać. Přiměrće po potrěbnosći wulkosć a poziciju wašeho wobraza. Klikńće na tłóčatko „+Alternatiwny tekst“ na wobrazu, zo byšće wopisanje fota přidał, zo byšće swój PDF přistupniši činił.

Signaturu wutworić

Wočińće dataju PDF w Firefox. Klikńće na symbol Signaturu přidać a klikńće potom na „Nowu signaturu přidać“. Wubjerće mjez Typ, Rysować abo Wobraz a klikńće na tłóčatko Přidać, zo byšće signaturu zasadźił. Móžeće tež swoje signatury składować a je pozdźišo znowa wužiwać.

Wutworće wjeršk

Wočińće PDF w Firefox. Wubjerće tekst, kotryž chceće wuzběhnyć, klikńće potom na symbol Wuzběhnyć, kotryž so pod wuběrom jewi abo klikńće, zo byšće móžnosć wuzběhnjenje w kontekstowym meniju namakał. Klikńće na symbol horjeka naprawo, zo byšće wólnoručne wuzběhowanske wotrězki PDF rysował.

Komentary přidać

Wočińće dataju PDF w Firefox. Wutworće wuzběhnjenje, klikńće potom na symbol Komentować, kotryž so pod wašim wuběrje jewi, zapodajće swój komentar a klikńće na Přidać, zo byšće składował. Maće wjele komentarow w dataji PDF? Klikńće na symbol Komentować horjeka naprawo, zo byšće bóčnicu wočinił a k tomu komentarej skočił, kotryž trjebaće.