Cesto stajone pšašanja Firefox

Co jo Firefox?

Firefox Browser, jadnučki głowny wobglědowak, kótaryž se wót za wše wužytneje organizacije pódpěra, pomaga wam, waše wósobinske informacije šćitaś. Zgóńśo wěcej wó Wobglědowaki Firefox a dalšnych produktach.

Kak mógu se Firefox Browser wobstaraś?

Móžośo desktopowy wobglědowak Firefox how lažko ześěgnuś. Firefox na rědach Windows, Mac a Linux funkcioněrujo, a jo teke za Android a iOS k dispoziciji. Zawěsććo, až naš wobglědowak wót jadneje z našych dowěry gódnych bokow Mozilla/Firefox ześěgujośo.

Jo Firefox dermotny?

Jo! Firefox Browser jo dermotny. Samo wěcej ako dermotny. Žedne schowane kosty abo tak. Njetrjebaśo nic płaśiś, aby jen wužywał.

Jo Chrome lěpšy ako Firefox?

Ně, njemyslimy se, až Chrome jo lěpšy ako Firefox a to jo pśicyna: Gaž luźe se pšašaju, kótary wobglědowak jo lěpšy, pšašaju se pópšawem, kótary wobglědowak jo malsnjejšy a wěsćejšy. Firefox se kuždy mjasec aktualizěrujo, aby zawěsćił, až maśo nejmalsnjejšyi wobglědowak, kótaryž wašu priwatnosć awtomatiski respektěrujo.

Glědajśo, kak Firefox w pśirownanju Chrome wótrěznjo.

Dajo se Firefox wěsće ześěgnuś?

Šćit wašeje priwatnosći ma nejwušu prioritu za nas, a zawěsćamy, až instalěrowanje Firefox na wašych rědach jo cele wěste – ale zawěsććo pśecej, až z dowěry gódnego sedła Mozilla/Firefox ześěgujośo, ako na pśikład z našogo ześěgnjeńskego boka.

Jo Firefox wěsty?

Firefox njejo jano wěsće wužywajobny, ale teke pomaga, waše a priwatne informacije wěste źaržaś. Firefox Browser awtomatiski znatym pśeslědowakam tśeśich póbitowarjow, pśeslědowakam socialnych medijow, kryptokopakam a zběrarjam palcowych wótśišćow gromaźenje datow zawoborujo. Zgóńśo wěcej wó priwatnosći w našych produktach.

Čogodla jo Firefox tak pómały?

Firefox njejo pómały … wěcej nic. W lěśe 2017 smy dopołnje pśetwarili našu wobglěwakowu mašinu (z mjenim quantum), aby zawěsćili, až Firefox móžo z drugimi wjelikimi wobglědowakami konkurěrowaś. A, naše blokěrowaki pśeslědowakow pomagaju, boki hyšći malsnjej zacytaś. Firefox jo pótakem malsny kaž błysk, bźez togo, aby se waša priwatnosć wobškóźiła.

Bazěrujo Firefox na Chromium?

Firefox na Chromium njebazěrujo (projekt wobglědowaka wótwórjonego žrědła w jědrje Google Chrome). W napšawdnosći smy jaden ze slědnych wjelikich wobglědowakow, kótarež na tom njebazěruju. Firefox na našej wobglědowakej mašinje Quantum běžy, kótaruž smy specielnje za Firefox wuwili, aby my mógli zawěsćiś, až z wašymi datami z respektom wobchadamy a daty priwatne wóstawaju.

Wužywa Firefox Google?

Google jo standardna pytnica w Firefox, což groni, až móžośo web direktnje z adresowego póla pśepytaś. Zgóńśo wěcej wó nastajenjach pytnice a změnjanju standardnych nastajenjow.

Ma Firefox zatwarjony VPN?

Firefox dermotny, zatwarjony VPN wopśimujo, kótaryž wašu IP-adresu pśeśiwo pśeslědowanjeju šćita, mjaztym až pśeglědujośo. Zmóžniśo jen w Firefox z jadnučkim kliknjenim. K dispoziciji we wubranych markach. Za šćit cełego rěda pśez wšykne waše rědy a nałoženja testujśo Mozilla VPN.

Komu Firefox słuša?

Firefox se wót Mozilla Corporation wuwija, stoprocentoweje wótnožki towaristwa wšymi wužytneje załožby Mozilla Foundation, a wjeźo se pó principach manifesta Mozilla. Zgóńśo how wěcej wó wuwijarju Firefox.